Teir sigldu úti triðja bók

Teir sigldu úti (3:5)

Bólkur: Bøkur, Siglingarsøgan

Niels Juel Arge skrivaði fimm bøkur í røðini Teir sigldu úti um føroyingar, sum sigldu úti undir seinna heimsbardaga. Fleiri enn 150 føroyingar sigldu við donskumskipum, tann 9. apríl 1940, umframt aðrir sum høvdu bústað uttanfyri Føroyar. Bert fáir av hesum monnum komu heimaftur, meðan kríggið stóð. Teir hildu fram at sigla, og krígssiglingin førdi teir víða um.

Triðja bókin hjá Niels Juel 
Arge í røðini „Teir sigldu úti“
 er ikki minni spennandi og upplýsandi lesnaður enn tær báðar
fyrru bøkurnar. Hesaferð verður eitt nú gjørt burturúr teimum 
korum, sum føroyingar livdu 
undir í kinesiska býnum Shanghai øll fimm stríðsárini. Har var kríggj millum japanarar og kinesarar, og sjómenn 
kundu ikki vænta at sleppa við 
lívinum, komu teir í kløtur við
 myndugleikarnar. So galið bleiv 
tað ikki hjá argjamanninum Le
ander Mortensen og mykinesmanninum Brinch Jacobsen, men hjá teimum var nóg ringt kortini.

Innansyndis í Eystrasalti og Norðsjónum sigldu eisini føroyingar á skip
um til havnir í Týsklandi og øðrum londum, sum týskurin hevði hersett. 
Ein var hvalbingurin Eli Baerentsen, sum búði í Svøríki. Hann hjálpti 
havnarmanninum Poul Poulsen á Kák úr đanskari týsklandssigling til Svø
ríkis. Teir smuglaðu hann í kjølinum.

Gøtumaðurin Sámal Petur Hansen sigldi alt kríggið, men doyði fyri eini 
rakett í Antwerpen í 1945. Skálamaðurin Anskar Johannesen varð tvær
ferðir torpederaður í uttanlandssigling. Havnarmaðurin Napoleon Jensen 
var innilæstur í Suðuramerika í fleiri ár.

Porkeningurin Jacob A. Thomsen loðsaði enskt skip til Føroya. Hildi
bjartur í Dali úr Havn og Otto Holm úr Hvalba sigldu í Norðuratlantshavi
alt kríggið, men vórðu ikki skotnir niður.

Fuglfirðingurin Edmund Jacobsen var stadddur í London undir tí ring
astu bumbingini, men slapp heim til Føroya við farmaskipinum „Barandu“
 og hitti gentu sína aftur í Havn.

Hesar og fleiri aðrar frásagnir frá monnum, sum sigldu úti undir krígnum, eru at lesa í triðju bókini hjá Niels Juel Arge „Teir sigldu úti“, sum
 er prýdd við mongum kortum og myndum.

Vælkomin at deila